هو : حبيبتي انا هطلب بيتزا , عايزة حاجه ؟
هي : لا يا حبيبي
هو : اوكي
هي :و لا اقولك ..؟
هو : ها , اطلب لك كمان ؟
هي : مش عارفة
هو : مش عارفة اذا كنتي عايزة ؟
هي : لا
هو : انتي جعانه ؟
هي : يعني
هو : يعني ايه يعني ..؟
هي : يعني مش متأكدة إذا كنت جعانة ولا لأ
هو : الواحد لما بيكون جعان بيعرف
هي : لا بس يمكن اجوع بعدين
هو : يعني اطلب لك بيتزا
هي : طيب و إذا ماكنتش جعانة وقتها ..؟
هو : ما تاكليش
هي : بس كده يبقي تبذير
هو : لاص , تبقي تاكليها بكره
هي : و إذا ما كنش ليا نفس اكل بيتزا بكره ؟
هو : مش محتاجه نفس , الواحد عادي ممكن ياكل بيتزا كل يوم
هي : انا لا .. انا مش باكل بيتزا إلا لما يكون عندي نفس للبيتزا
هو : طيب بلاش , اطلب لك حاجة تانية ؟
هي : بس انا مش عايزة حاجه تانية
هو : يعني عايزة بيتزا ؟
هي : لا
هو : يعني مش عايزة
هي : لأ برضه
هو : جننتيني , طب اعمل ايه ؟
هي : اطلب انت لنفسك
هو : الحمد لله , اخيرا .... ماشي
هي : بس اطلب بيتزا بالتونة
هو : نعم ؟ انا مش بحب البيتزا بالتونة
هي : بس انا بحبها
هو : و انتي مالك ؟ هو هاطلب ليا ولا ليكي
هي : ليك طبها
هو : طيب اطلبها ليه بأه بالتونة ؟
هي : يمكن اجوع لما يوصل الاكل
هو : و بعدين
هي : يا سلام و يعني تفتكر اكل حاجه مش عاجباني ؟
هو : ليه هو انتي - اصلا - عايزة تاكلي ؟
هي : ليه لأ ؟
هو : يا مثبت العقل ... هو انا هاطلب البيتزا ليا , عشان احتمال انتي تاكليها إذا كنتي جعانة ؟
هي : بالظيط
هو : وانا بلاش اكل
هي : يمكن وقتها اكون مش جعانة
ملحوظة : قررت محكمة الجنايات تبرئة الزوج من تهمة قتل الزوجة مع سبق الاصرار والترصد
و تحويل القضية الي .." قتل الزوجة دفاعا عن النفس
الجمعة أغسطس 21, 2009 8:22 am